Москва, 15-июль, 2025-жыл – Караван инфо маалымат агенттиги.15-июлда Кытайдын Тяньцзинь шаарында өтүп жаткан Шанхай кызматташтык уюмунун (ШКУ) министрлер жыйынынын алкагында Орусиянын тышкы иштер министри Сергей Лавров Кытайдын төрагасы Си Цзиньпин менен эки тараптуу жолугушуу өткөрдү, деп билдирет РИА Новости.

Алгач Кытай лидери ШКУга мүчө-мамлекеттердин тышкы иштер органдарынын бардык жетекчилери менен жолугуп, андан соң россиялык делегация менен глобалдык жана аймактык коопсуздук маселелерин өзүнчө талкуулап, АКШга болгон мамилеге жана украин жаңжалын чечүүнүн келечегине өзгөчө көңүл бурду.

Лавровдун КЭР төрагасы менен сүйлөшүүлөрү анын бир күн мурун, 13-июлда Пекинде болгон Кытайдын тышкы иштер министри Ван И менен болгон жолугушуусунун логикалык уландысы болду.

Кытай маалымат каражаттары белгилегендей, ал “галстуксуз” форматта өтүп, тараптардын ортосундагы ишенимдин жогорку деңгээлин баса белгиледи. Талкууда эл аралык аренада аракеттерди координациялоо, экономикалык кызматташтыкты кеңейтүү, БРИКС+ форматында кызматташуу тууралуу сөз болду.

Эксперттердин баамында, мындай деңгээлдеги жолугушуулар Батыштын кысымы күчөп жаткан шартта орус-кытай жакындашынын стратегиялык багытын тастыктайт.

Сүрөт РИА Новости