АСТАНА, 16 шілде – «Караван Инфо» АА.Бішкекте күрестен жастар арасындағы Азия чемпионаты аяқталып, қазақстандық спортшылар команда қоржынына жеті медаль қосты.

Еркін күрестен 125 келі салмақта Едіге Қасымбек алтыннан алқа тағынды. Күміс жүлдені Нұрданат Айтанов (57 келіге дейін) пен Камиль Куруглиев (97 келіге дейін) жеңіп алды. Қола жүлдегерлер Досжан Құл-Ғайып (74 келіге дейін) пен Алан Оралбек (61 келіге дейін) болды.

Әйелдер күресінде Анна Стратан (57 келіге дейін) пен Мейрамгүл Мақсот (72 келіге дейін) көзге түсіп, қола жүлдеге қол жеткізді.

Бұған дейін грек-рим күресінен қазақстандық балуандар екі алтын, бір күміс және үш қола медаль жеңіп алған болатын. Темірлан Тұрдақын (87 келіге дейін) мен Диас Сейітқалиев (82 келіге дейін) чемпион атанды. Күмісті Омар Дүйсенбек (77 келіге дейін), қоланы Мұсан Ерасыл (55 келіге дейін), Есбол Шамилов (63 келіге дейін) және Әлихан Дурсунов (72 келіге дейін) жеңіп алды.

Фото: Халықаралық күрес федерациясы