Астана, 17 шілде 2025 жыл – Караван Инфо ақпараттық агенттігі.Астанада Қазақстан Республикасы Сыртқы істер министрінің бірінші орынбасары Ақан Рахметуллин мен Венесуэла Боливар Республикасының Қазақстандағы Елшісі Розалба Ло Буе Антиконың кездесуі өтті.

Келіссөздер барысында тараптар саяси және сауда-экономикалық салалардағы екіжақты ынтымақтастықтың өзекті мәселелерін талқылады. Екі ел арасындағы құқықтық базаны кеңейтуге де назар аударылды.

Кездесу қорытындысы бойынша әңгімелесушілер Астана мен Каракас арасындағы екіжақты және көпжақты форматтағы ынтымақтастықты одан әрі кеңейтуге өзара дайын екендіктерін білдірді.

Фото: Қазақстан Республикасының СІМ