Өзбекстан менен Венгриянын билим берүү тармагындагы кызматташуусу жаңы деңгээлге чыгууда. Будапешттеги сүйлөшүүлөрдөн кийин Өзбекстандан жыл сайын 50 студент Венгриянын алдыңкы университеттеринин бири болгон Обуда университетине окууга жөнөтүлөт.

Өзбекстандын Жогорку билим, илим жана инновация министринин биринчи орун басары Шохрух Далиев менен университеттин жетекчилигинин жолугушуусунда академиялык алмашууну кеңейтүү, биргелешкен программаларды жана илимий изилдөөлөрдү иштеп чыгуу, профессордук-окутуучулук кадрларды даярдоо боюнча конкреттүү кадамдар талкууланды.

Кызматташтыктын так механизмин түзүүгө өзгөчө басым жасалууда: окутуунун багыттары, квоталар, кабыл алуу шарттары жана каржылоо белгиленген документ иштелип жатат.

«Венгрия менен билим берүү тармагындагы өнөктөштүк азыртадан эле реалдуу натыйжаларды көрсөтүүдө. Биз узак мөөнөттүү, өз ара пайдалуу кызматташууну көздөп жатабыз“- деп белгиледи Шохрух Далиев.

Демилге Өзбекстандын университеттеринин кадрдык потенциалын чыңдоого кошумча түрткү берет жана жаштарга европалык сапаттуу билим алуу үчүн жаңы перспективаларды ачат.