2028 жылғы Жазғы Олимпиаданы ұйымдастыру комитеті Лос-Анджелестегі жарыстардың басталу күнін ресми түрде жариялады. Ашылу салтанаты 14 шілдеде болғанымен, алғашқы жарыстар 12 шілдеде – ресми ашылудан екі күн бұрын басталады.

Халықаралық Олимпиада комитетінің хабарлауынша, алғашқы күндері командалық спорт түрлерінен – футбол, регби-село, гандбол, су добы, көгалдағы хоккей және крикет ойындары өтеді. Бұл тығыз кестені орындауға және барлық іріктеу кезеңдерін өткізуге мүмкіндік береді.

Тарихта алғаш рет Олимпиаданың ашылу салтанаты бірден екі аренада өтеді: аты аңызға айналған Лос-Анджелес мемориалдық колизейі және заманауи SoFi стадионы. Алғашқы алтын медаль 15 шілдеде триатлон жарысында табысталады, ал Ойындардың ең оқиғалы күні – 29 шілдеде әртүрлі пәндер бойынша 35-ке жуық финалдық жарыстар өтеді. Олимпиада ойындары 30 шілдеде аяқталады.

2028 жылғы Олимпиаданың ресми сайтында іріктеу, жартылай финал және финалды қоса алғанда, спорттың 32 түрін қамтитын жарыстың толық кестесі жарияланды.