2028-жылкы жайкы Олимпиаданы уюштуруу комитети Лос-Анжелестеги мелдештердин башталышын расмий түрдө жарыялады. Ачылыш аземи 14-июлда болгону менен, алгачкы мелдештер 12-июлда – расмий ачылышка эки күн калганда башталат.

Эл аралык Олимпиада комитетинин маалыматы боюнча, биринчи күндөрдө командалык спорттун түрлөрү боюнча беттештер болот – футбол, регби жетилик, гандбол, суудагы поло, чөп үстүндөгү хоккей жана крикет. Бул тыгыз графикти аткарууга жана бардык тандоо турларын өткөрүүгө мүмкүндүк берет.

Тарыхта биринчи жолу Олимпиаданын ачылыш аземи бир эле учурда эки аренада өткөрүлөт: легендарлуу Лос-Анжелестин мемориалдык колизейи жана заманбап SoFi стадиону. Биринчи алтын медаль 15-июлда триатлон боюнча мелдеште тапшырылат, ал эми Оюндардын эң окуялуу күнү – 29-июлда ар кандай дисциплиналар боюнча 35ке жакын финалдык беттештер орун алат. Олимпиада оюндары 30-июлда аяктайт.

Спорттун 32 түрүн, анын ичинде квалификацияларды, жарым финалдарды жана финалдарды камтыган мелдештердин толук графиги 2028-жылкы Олимпиаданын расмий сайтында жарыяланды.