Ақмола облысы, 18 шілде 2025 жыл – Karavan Info ақпараттық агенттігі.Целиноград ауданында әлемнің 20-дан астам елінен 200-ге жуық компанияның басын қосатын Қазақстандағы ең ірі ауыл шаруашылығы «Жаңа Дала / Жасыл күн – 2025» көрмесінің салтанатты ашылуы өтті.

Іс-шара қазірдің өзінде озық агротехнологиялар мен заманауи ауыл шаруашылығы техникаларын көрсететін дәстүрлі алаңға айналды. Биылғы жылы қатысушылар өсімдік шаруашылығы, мал шаруашылығы және ауылшаруашылық өнімдерін қайта өңдеу саласындағы соңғы жаңалықтарды ұсынады.

Көрмеде кәсіби семинарлар, байқаулар (оның ішінде бес тұқымды бұқалар сайысы) және инновациялық жобалардың тұсаукесері болады. Алдын ала мәлімет бойынша, шараға алғашқы күні 10 мыңға жуық шаруалар мен сала мамандары келген.

«Jańa Dala» көрмесі 2013 жылдан бері өткізіліп келеді және осы уақыт ішінде Қазақстан үшін ғана емес, халықаралық агробизнес үшін де маңызды оқиға болды.

Фото:Қазақстан Республикасы Президентінің Баспасөз қызметі