Душанбе, 21-июль, – «Караван Инфо» МА.2025-жылдын биринчи жарымында Тажикстанга 760 миңден ашык чет элдик турист келген. Жалпысынан өлкөгө 924 миңден ашык чет элдик жарандар келген. Бул тууралуу Тажикстан Республикасынын Өкмөтүнө караштуу Туризмди өнүктүрүү комитети билдирди.

Расмий статистикага ылайык, республикага жалпы агымдын ичинен 761 391 адам туристтик максатта келген, бул өсүү динамикасынын оң көрсөткүчү болуп саналат.

Туристтердин эң көп саны — 699 миң адам — Көз карандысыз Мамлекеттер Шериктештигинен келген. Ошол эле учурда алыскы чет өлкөлөрдөн — Европадан, Азиядан, Америкадан жана башка региондордон 60 миңге жакын коноктор келди.

Бул цифралар Тажикстанга коңшу мамлекеттердин туруктуу кызыгуусун жана эл аралык аудиториянын көңүл буруусун ырастайт.

Туристтик агымдын өсүшү акыркы жылдары мамлекет тарабынан көрүлгөн ырааттуу чаралардын натыйжасы болуп саналат:

• туризм инфраструктурасын өнүктүрүү,
• логистикалык жана туристтик маршруттарды жакшыртуу,
• кызматтарды санариптештирүү,
• ошондой эле Тажикстандын туристтик имиджин эл аралык аренада активдуу енуктуруу.

Улуу тоолор, байыркы эстеликтер, тажик элинин кайталангыс маданияты жана меймандостугу дүйнөнүн бардык булуң-бурчунан келген саякатчылар үчүн барган сайын жагымдуу болуп баратат.

Сүрөт: ачык булактардан