Моңғолия Президенті Ухнаагийн Хурелсухтың Қырғыз Республикасына мемлекеттік сапары аясында бүгін, 21 шілдеде қырғыз-моңғол бірлескен ынтымақтастығын арттыруға бағытталған бірқатар екіжақты құжаттарға қол қойылды.

Қырғызстан президенті Садыр Жапаров пен Моңғолия президенті Ухнаагийн Хурелсух Қырғыз Республикасы мен Моңғолия арасында жан-жақты әріптестік орнату туралы бірлескен декларацияға қол қойды.

Сонымен қатар, келесі құжаттарға қол қойылды:

1. Қырғыз Республикасы мен Моңғолия арасындағы ұстап беру туралы шарт.

2. Қырғыз Республикасының Министрлер Кабинетi мен Моңғолия Үкiметi арасындағы ұлттық жүргiзушi куәлiктерiн өзара тану және айырбастау туралы келiсiм.

3. Қырғыз Республикасы Сыртқы істер министрлігі мен Моңғолия Сыртқы істер министрлігі арасындағы 2026-2027 жылдарға арналған ынтымақтастық бағдарламасы.

4. Қырғыз Республикасының Су ресурстары, ауыл шаруашылығы және өңдеу өнеркәсібі министрлігі мен Моңғолияның Азық-түлік, ауыл шаруашылығы және жеңіл өнеркәсіп министрлігі арасындағы жүнді өңдеу саласындағы ынтымақтастық туралы меморандум.

5. Қырғыз Республикасының Мәдениет, ақпарат және жастар саясаты министрлігі мен Моңғолияның Мәдениет, спорт, туризм және жастар министрлігі арасындағы мәдениет саласындағы өзара түсіністік және ынтымақтастық туралы меморандум.

6. Қырғыз Республикасының Цифрлық даму министрлігі мен Моңғолияның Цифрлық даму, инновациялар және коммуникациялар министрлігі арасындағы өзара түсіністік туралы меморандум.

7. Қырғыз Республикасы Президенті жанындағы Ұлттық стратегиялық бастамалар институты мен Моңғолияның қауіпсіздік мәселелерін зерттеу ұлттық институты арасындағы ынтымақтастық туралы меморандум.

8. Жүсіп Баласағын атындағы Қырғыз ұлттық университеті мен Моңғол мемлекеттік университеті арасындағы ынтымақтастық туралы меморандум.

9. Қырғыз Республикасы Президентінің Қырғыз Республикасының Нарын облысындағы Өкілетті өкілінің аппараты мен Моңғолияның Дархан-Уул облысының әкімшілігі арасындағы ынтымақтастық туралы меморандум.

10. Қырғызстанның «Кабар» ұлттық ақпарат агенттігі мен Моңғолияның «Монцамэ» ұлттық ақпараттық агенттігі арасындағы өзара түсіністік туралы меморандум.

11. Қырғыз Республикасының Ұлттық ғылым академиясы мен Моңғолия Ғылым академиясы арасындағы ғылыми ынтымақтастық туралы келісім.

12. Қырғыз Республикасы Ұлттық ғылым академиясының Б.Джамгерчинов атындағы Тарих, археология және этнология институты мен Моңғолия Ғылым академиясының Археология институты арасындағы ынтымақтастық туралы келісім.

13. Қырғыз Республикасының Ұлттық хабар тарату корпорациясы мен Моңғол ұлттық телевидениесі арасындағы өзара түсіністік туралы меморандум.