КАБУЛ, 21-июль, 2025-жыл – Караван инфо маалымат агенттиги.Дипломатиялык булактар Ооганстандын Берлиндеги элчилигине Талибандын эки өкүлү Сайед Мустафа Хашеми (биринчи катчы жана консулдун милдетин аткаруучу болуп дайындалды) жана Нибрасул Хак Азиз (ошондой эле биринчи катчы) жөнөтүлгөнүн билдирди.

Frankfurter Allgemeine жазгандай, немис өкмөтү башпаанек сураганы четке кагылган оогандарды, анын ичинде укук бузуучуларды депортациялоону тездетүү үчүн ушундай кадамга барган. Хашеми менен Азиз Берлиндеги элчилик жана Бонндогу консулдук аркылуу иштешет.

Немис өкмөтүнүн басма сөз катчысы Штефан Корнелиус талиптер менен техникалык байланыш бар экенин ырастап, анын алкагында депортация маселелери боюнча кызматташуу боюнча келишимге жетишилгенин билдирди.
Германия талибдерди Ооганстандын өкмөтү катары расмий тааныбайт, бирок чектелген жолдор менен катышууга этияттык менен даяр экенин көрсөттү.
Буга чейин талиптер Германияга өз өкүлдөрүн депортациялоо учуулары үчүн жайгаштырууну сунуштаган.

Өткөн аптада Германия Катардын жардамы менен 81 кишини чартердик рейс менен Ооганстанга жөнөттү.

Сүрөт: Караван ААнын өнөктөштөрү