АСТАНА, 24-июль – «Караван Инфо» МА.Казакстан саламаттыкты сактоо тармагына санариптик технологияларды активдүү киргизүүдө. 2025-жылдын биринчи жарымында эле жарандарга 1,8 миллионго жакын аралыктан медициналык кызмат көрсөтүлдү – бул жалпы көлөмдүн 8,35%ын түзөт.

Саламаттыкты сактоо вице-министри Эрбол Осановдун айтымында, учурда медициналык мекемелердин 80% бейтаптарды санарип идентификациялоо үчүн веб-камералар менен жабдылган, ал эми бул процедурадан өткөндөрдүн үлүшү 79%га жеткен.

Мындан тышкары, рецепт боюнча дары-дармектерди алуу боюнча «Социалдык капчык» системасын ишке ашыруу улантылууда: 6 айдын ичинде ал аркылуу дары-дармектердин 76%дан ашыгы чыгарылган.

Аймактык башкармалыктардын жетекчилерине санариптештирүүнү аяктоо – бардык медициналык уюмдарды керектүү жабдыктар менен жабдуу жана электрондук идентификацияга жана дары-дармектерди чыгарууга толук өтүүнү камсыз кылуу тапшырмасы берилди.

Сүрөттө: Казакстан Республикасынын Саламаттык сактоо министрлиги