2025-жылдын 30-июнуна карата дүң эл аралык резервдердин көлөмү 2024-жылдын ушул мезгилине салыштырмалуу 72%га өсүү менен 6 миллиард 5084 миллион АКШ долларын түздү.Бул тууралуу Улуттук банк Башкармасынын 2025-жылдын биринчи жарым жылдыгынын жыйынтыгын чыгарган жыйынында айтылды.

Жыйындын жүрүшүндө акча-кредит саясатын ишке ашыруу, банк жана төлөм системаларынын туруктуулугун жана коопсуздугун камсыз кылуу, ошондой эле банктык кызмат көрсөтүүлөрдү керектөөчүлөрдүн укуктарын коргоону камтыган 2025-жылга карата Иш планынын аткарылышы жөнүндө отчет угулду.

Акча-кредиттик шарттар акча жана валюта рынокторунда монетардык жана экинчилик инфляциялык факторлорду камтыган туруктуулукту камсыз кылгандыгы белгиленген.

Банк сектору туруктуу бойдон калууда: 2025-жылдын биринчи беш айында коммерциялык банктардын активдери 14,8%га көбөйүп, 936,3 млрд сомго жетти, депозиттик база 17,7%га көбөйүп, 697,3 млрд сомго чейин, кредит портфели 18,6%га, 404 млрд сомго чейин өстү.

Финансылык көз боёмочулукка каршы күрөшүү максатында 2025-жылдын 12-мартында Улуттук банк Башкармасы тыныгуу мезгилиндеги онлайн кредиттердин шарттарын жана максималдуу суммасын өзгөртүү боюнча токтом кабыл алган.

Улуттук банк Европа реконструкциялоо жана өнүктүрүү банкы жана Кыргызстандын банктар биримдиги менен биргеликте ишкер аялдарды каржылоо кодексин ишке киргизди.