БОРБОРДУК АЗИЯ, 23-июль, 2025-жыл – Караван инфо маалымат агенттиги.23-июлда Стамбулда Орусия менен Украинанын делегацияларынын ортосундагы сүйлөшүүлөрдүн кезектеги (үчүнчү) раунду болот. Бул тууралуу расмий ырастоону РФ президентинин басма сөз катчысы Дмитрий Песков билдирди.

Жыйын саат 19:00дө башталат. Буга чейин эки өлкөнүн делегациялары Түркияга жөнөп кетишкен.

Орусиялык делегацияны мурдагыдай эле Владимир Мединский жетектейт.

Гуманитардык маселелерди, анын ичинде туткундарды алмаштырууну талкуулоо күтүлүүдө.

Дмитрий Песков тараптар меморандумдардын долбоорлорун талкуулай турганын билдирди, бирок позициялар дагы эле олуттуу айырмаланып жатканын ырастады.

Сүрөт: Ачык булактар