Toshkent viloyatining Oqqo‘rg‘on tumanidagi 27 ta qabriston hududida o‘tkazilgan tezkor-qidiruv tadbirlari davomida 23 ta arxeologik ashyolar, jumladan, sopol idishlar parchalari topildi. Bu boradagi ishlar O‘zbekiston Milliy universitetining Arxeologiya va etnologiya kafedrasi tomonidan Madaniy merosni muhofaza qilish agentligining hududiy bo‘limlari va boshqa tuzilmalar bilan hamkorlikda amalga oshirildi.

Eng muhim topilmalar umumiy nomi “Uchtepa” deb atalgan tepaliklar hududidan topilgan. Bir-biridan atigi 30-40 metr masofada joylashgan bu tepaliklar qadimgi aholi punkti qoldiqlari hisoblanib, zamonaviy turar-joy hududida joylashgan. Yaqin atrofdagi uylar egalari allaqachon tarixiy merosni asrab-avaylash muhimligi haqida ogohlantirilgan va joylarni buzmaslik tavsiya etilgan.

Ko‘zdan kechirilgan to‘rtta qabristonda hech qanday artefakt topilmaganiga qaramay, ekspertlarning ta’kidlashicha, qazishmalarning barcha bosqichlari yakunlangandan keyingina ob’yektlarning holati haqida aniq gapirish mumkin bo‘ladi. Hududda qazish ishlari davom etmoqda.