Астана, 2025 жылғы 31 шілде – «Караван Инфо» ақпараттық агенттігі.Астанада күн және сутегі энергиясы бойынша оқыту семинары өтті. Жаңартылатын энергия технологиялары саласындағы әлемдік көшбасшылардың бірі қытайлық LONGi компаниясы ұйымдастырған шараға Қазақстан Республикасы Энергетика вице-министрі Бақытжан Ілияс қатысты.

Вице-министр ЖЭК (жаңармалы энергия көздері) мен сутегі энергиясын дамыту Қазақстан үшін стратегиялық басымдық болып табылатынын атап өтті. Бұл жаһандық климаттық сын-қатерлерге, технологиялық трансформация қажеттілігіне және тұрақты дамуға ұмтылуға байланысты. Ол күн, жел және су энергиясын өндіру қазірдің өзінде елдің ұлттық энергетикалық балансында маңызды рөл атқара бастағанын атап өтті.

Сутегі энергетикасының болашағына ерекше назар аударылды. Қазақстан мұны экономиканы декарбонизациялау және климаттық бейтараптыққа қол жеткізу жолындағы негізгі бағыт деп санайды. Бақытжан Ілияс 2024 жылы Энергетика министрлігі сутегі энергетикасын дамытудың 2030 жылға дейінгі тұжырымдамасын бекіткенін, онда саланың негізгі мақсаттары, міндеттері мен даму кезеңдері айқындалғанын еске салды.

Сондай-ақ вице-министр адами капиталға инвестиция салудың, мамандардың біліктілігін арттырудың және тәжірибе алмасудың маңыздылығына тоқталды. Ол семинарды ұйымдастыруға көрсеткен көмегі үшін LONGi-ге алғысын білдіріп, мемлекет, бизнес және ғылыми қауымдастық арасындағы серіктестіктің маңыздылығын атап өтті.

Фото:Қазақстан Республикасы Энергетика министрлігі