1-августтан 6-августка чейин Ысык-Көлдүн жээгинде Чолпон-Ата шаарында кол күрөш боюнча “Kyrgyzstan Open – 2025” эл аралык турнири өтөт. Иш-чарага Азия менен Европанын эң күчтүү мушкерлери катышат.Сынак төмөнкү дисциплиналар боюнча өткөрүлөт:

• "Дуэль" – балдар (8-17 жаш), кыздар (13-17 жаш), эркектер жана аялдар,
• "Өзүн-өзү коргоо" – эркектер жана аялдар арасында.

Турнирге Индия, Казакстан, Кыргызстан, Малайзия, Монголия, Пакистан, Россия, Румыния, Тажикстан, Түркмөнстан жана Өзбекстандын спортчулары катышарын тастыкташты. Эл аралык турнир кол күрөштү өнүктүрүү, өлкөлөр ортосундагы достукту чыңдоо жана жаштар арасында спортту жайылтуу максатын көздөйт. Мелдештер эл аралык федерациялардын бардык стандарттарын жана эрежелерин сактоо менен жогорку уюштуруучулук деңгээлде өткөрүлөт. Кереметтүү кармаш жана келечектүү күрөшчүлөрдүн катышуусу күтүлүүдө, алардын көбү буга чейин улуттук жана эл аралык мелдештердин жеңүүчүлөрү жана байге ээлери.

01.08.2025 06:06:04