Кыргыз Республикасынын Президенти Садыр Жапаров “Кыргыз Республикасынын айрым мыйзам актыларына (“Кыргыз Республикасындагы жеке турак жай куруу жөнүндө”, “Экологиялык экспертиза жөнүндө”, “Экологиялык коопсуздукту камсыздоонун жалпы техникалык регламенттерине” Кыргыз Республикасынын мыйзамдарына (мындан ары карай) өзгөртүүлөрдү киргизүү тууралуу” Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2025-жылдын 26-июнунда кабыл алынган.

Мыйзамдын максаты – мамлекеттик экологиялык экспертизаларды жүргүзүү процессин, долбоордук документтерди кароо мөөнөттөрүн оптималдаштыруу жана жөнөкөйлөтүү, эксперттик комиссиялардын ишинин натыйжалуулугун жогорулатуу.

Мыйзам төмөнкү ченемдерди карайт:

1) "Кыргыз Республикасындагы жеке турак жай курулушу жөнүндө" Кыргыз Республикасынын Мыйзамында жеке турак жай имаратын куруу Кыргыз Республикасынын Министрлер Кабинети тарабынан аныкталган тартипте белгиленген уруксат берүүчү документтердин негизинде жүзөгө ашырылаары белгиленген;

2) "Экологиялык экспертиза жөнүндө" Кыргыз Республикасынын Мыйзамында мамлекеттик экологиялык экспертиза жүргүзүүнүн мөөнөттөрүн үч айдан 10 жумушчу күнгө чейин кыскартуу сунушталат, ал экспертиза объектинин татаалдыгына жараша аныкталат:

трансчегаралык таасири бар объекттер – 60 жумушчу күн;

• I категориядагы кооптуу объекттер – 40 жумушчу күн;
• коркунучтун II категориясындагы объекттер – 20 жумушчу күн;
• коркунучтун III категориясындагы объекттер – 10 жумушчу күн;

3) "Кыргыз Республикасында экологиялык коопсуздукту камсыз кылуунун жалпы техникалык регламенти" Кыргыз Республикасынын Мыйзамында тоо-кен калдыктары жылына 300 тоннадан ашкан чарбалык жана башка иш объекттерин мамлекеттик экологиялык экспертизадан өткөрүүнүн жол-жоболорун ыйгарым укуктуу мамлекеттик органдын аймактык бөлүмдөрүнө жүктөө сунушталат.

Булак: caravan-info.uz

04.08.2025 06:08:45