2025-жылдын январь айынан июнь айына чейин KAPK (Чакан жана орто ишканаларды өнүктүрүү аркылуу айыл чарба нарк чынжырын колдоо) долбоорунун алкагында айыл чарба секторунун катышуучуларына олуттуу каржылык колдоо көрсөтүлдү.

Бул аралыкта «Айыл Банк» жана «Элдик Банк» аркылуу 1285 субъект жалпысынан 3,4 миллиард сомго каржыланган. Каражат дыйкандарды, кайра иштетүү ишканаларын жана айыл чарба тармагындагы башка чарбалык субъекттерди колдоого жумшалды.

Өзгөчө көңүл–сүт кластери

Каржы алуучулардын арасында 305 субъект сүт кластерине байланыштуу. Аларга 453,6 млн сом колдоо көрсөтүлдү, бул берилген каражаттардын жалпы көлөмүнүн 13,3%ын түзөт.

2025-жылдын биринчи жарымында тамак-аш өнөр жай ишканалары 60 миң 466 тонна сүт азыктарын өндүргөн. Акчалай алганда, бул 9 606,2 млн сомду түзөт – 2024-жылдын ушул мезгилине салыштырмалуу 11,3%га көп (54 320,7 тонна).

Көрсөткүчтөрдүн өсүшү КАПК долбоорунун алкагында каржылык колдоо көрсөтүүнүн натыйжалуулугун жана сүт өнөр жайын туруктуу өнүктүрүүнү көрсөтөт.

KAPK долбоору Кыргыз Республикасында айыл чарба продукциясын өндүрүүнү жана кайра иштетүүнү өнүктүрүүгө көмөктөшүү, ошондой эле фермерлер жана ишкерлер үчүн финансылык жеткиликтүүлүктү жогорулатуу максатында ишке ашырылууда.

Булак: caravan-info.uz