10-августта президент Садыр Жапаров Орусиянын президенти Владимир Путин менен телефон аркылуу сүйлөштү.

Телефондук сүйлөшүүдө Владимир Путин Садыр Жапаровго Украина кризисин жөнгө салуу маселеси боюнча америкалык тарап менен акыркы дипломатиялык байланыштардын жүрүшү тууралуу маалымат берди.

Кыргызстандын президенти Россиянын президентине берген маалыматы үчүн ыраазычылык билдирип, бул кризисти жөнгө салууга багытталган саясий жана дипломатиялык аракеттерди колдоорун билдирди.

Мамлекет башчылары аймактык жана эл аралык күн тартибиндеги актуалдуу маселелер боюнча пикир алмашып, эл аралык жана аймактык бирикмелердин алкагында кызматташуунун келечегин талкуулашты.

Булак: caravan-info.uz