«Учаскеде шұңқырды дайындау үшін барлық қажетті жұмыстар жүргізілуде,– деп атап өтті ол. —Осы жылы біз қоршаған ортаға әсерді бағалау және жобаның қауіпсіздігін бағалау бойынша тиісті құжаттарды әзірлеуді аяқтаймыз. Осылайша біз келесі кезеңге өте аламыз».

Оның айтуынша, жобаны жүзеге асыру туралы құжатқа қол қойылып, қазір станцияны ұлттық энергетикалық жүйеге қосу мүмкіндіктерін бағалау бойынша зерттеулер жүргізілуде. Ахмедхаджаев алдағы уақытта бұдан да қуатты электр станциясы мен сәйкес инфрақұрылымды енгізу жоспарланып отырғанын атап өтті. Узатом директоры АЭС құрылысын Өзбекстан президенті жеке өзі қадағалайтынын қосты; екі апта сайын жобаның барысы мен қол жеткізілген нәтижелер туралы хабардар болып отырады. Еске салайық, 23 сәуірде Ресей сыртқы істер министрі Сергей Лавров Өзбекстанда атом электр стансасын салу жобасы практикалық кезеңге өтіп жатқанын айтқан болатын. Ол сондай-ақ Ресей жаңа инфрақұрылымдық жобалар арқылы Өзбекстанға газ жеткізуді екі есе арттыруға дайын екенін айтты.