«Учурда карьерди даярдоо боюнча бардык зарыл иштер жүргүзүлүүдө.— деп белгиледи ал. —Бул жылы биз экологиялык таасирди баалоо жана долбоордун коопсуздугун баалоо боюнча тиешелүү документтерди иштеп чыгууну аяктайбыз. Ошентип, кийинки этапка өтө алабыз».

Анын айтымында, буга чейин долбоорду ишке ашыруу боюнча документке кол коюлуп, учурда станцияны улуттук энергетика системасына кошуу мүмкүнчүлүктөрүн баалоо боюнча изилдөөлөр жүрүп жатат. Ахмедхаджаев белгилегендей, жакынкы аралыкта дагы кубаттуу электр станциясын жана тиешелүү инфраструктураны ишке киргизүү пландалууда. Узатомдун директору кошумчалагандай, АЭСтин курулушун Өзбекстандын президенти жеке өзү көзөмөлдөйт; ар бир эки жумада ага долбоордун жүрүшү жана жетишилген натыйжалар жөнүндө маалымат берилет. Эске салсак, 23-апрелде Орусиянын тышкы иштер министри Сергей Лавров Өзбекстанда атомдук электр станциясын куруу долбоору практикалык баскычка өтүп жатканын билдирген. Ал ошондой эле Орусия жаңы инфраструктуралык долбоорлор аркылуу Өзбекстанга газ берүүнү эки эсеге көбөйтүүгө даяр экенин билдирди.