Сентябрь айынын башында Ош облусунун тургуну райондук мамлекеттик администрациясынын башчысынын орун басары тарабынан куугунтукка алынганы боюнча укук коргоо органдарына арыз менен кайрылган. Анын айтымында, эркек киши ар кандай жеңилдиктерди убада кылып, өжөрлүгү менен аны сексуалдык мүнөздөгү аракеттерге мажбурлап, телефонуна адепсиз сүрөттөрдү жана видеолорду жөнөткөн.

Бул факты боюнча Ош облустук ички иштер башкармалыгы тарабынан КР Кылмыш-жаза кодексинин 156-беренесинин «Сексуалдык мүнөздөгү аракеттерге мажбурлоо» боюнча кылмыш иши козголду. Иликтөө иштеринин жүрүшүндө 38 жаштагы аткаминер кармалып, сот тарабынан камакка алуу түрүндөгү баш коргоо чарасы тандалды.

Тергөө амалдары уланууда.

11.09.2025 09:08:33