Президент Шавкат Мирзиёев Бостанлык районунун Чимён айылындагы 3 миң гектардан ашык аянтка мөмө өстүрүү боюнча масштабдуу долбоор ишке ашырылып жаткан жаңы агро өнөр жай комплексинде болду. Аянттарга тамчылатып сугаруу системасы менен толук жабдылган, экспорттук сорттогу малина жана кулпунай сорттору эгилген. Жакынкы жылдарда карагат жана фундук плантациялары кошулат.

Малинанын ар бир гектарынан 400 миллион сомго чейин, кулпунайдан 500 миллион сомго чейин киреше түшүшү, фундук менен карагат экспорттун олуттуу бөлүгүнө айланаары күтүлүүдө.

Жалпысынан долбоор аяктагандан кийин бул жерден жылына 24 миң тоннага чейин мөмө жана жаңгак жыйналат.

Долбоордун баасы 60 миллион доллардан ашат. Каражат жемиш бактарын түзүүгө гана эмес, кайра иштетүүчү ишканаларды жана ири кампаларды курууга да жумшалат. Бул продук-циянын кошумча наркын жогорулатууга жана тушумду езунун баштапкы турунде сактоого мумкундук берет. Эң негизгиси, бакча жана аны менен байланышкан ишканалар 12 000ден ашуун жумуш орундарын түзүп, жергиликтүү тургундарга олуттуу колдоо көрсөтөт. Мөмө-жемиштердин жана фундуктун басымдуу бөлүгүн экспортко чыгаруу пландалууда. Президент долбоордун ийгилиги ар бир этапта – сорт тандоо жана топурак даярдоодон баштап мөмө-жемиштерди жыйноо жана сорттоого чейин заманбап технологияларды ишке киргизүүдөн көз каранды экенин баса белгиледи.

«Бул бакчага жумшалган эмгек жана суйуу даана керунуп турат. Эң негизгиси киреше, элге пайда. Мөмө-жемиш өсүмдүктөрүнүн түшүмдүүлүгү жана рентабелдүүлүгү салттууларга караганда бир нече эсе жогору, ошондуктан аларды өстүрүүгө адамдарды үйрөтүү маанилүү.", – деп белгиледи Шавкат Мирзиёев.

Мамлекет башчысы башка тоо этектериндеги жана жайыт аймактарын да изилдеп, ушундай бакчаларды ачууну тапшырды. Долбоор өнүккөн сайын анын айланасында кайра иштетүүчү ишканалар, тейлөө компаниялары, туристтик жайлар пайда болот. Бул жергиликтүү тургундарга жумуш үчүн чет өлкөгө чыкпастан үйлөрүнө жакын иштөөгө мүмкүндүк берет жана аймактын экономикалык өсүшүнө күчтүү түрткү берет.