Астана, 2025 жылғы 16 қыркүйек – «Караван Инфо» ақпараттық агенттігі.Қазақстан барлық қалалар мен аудан орталықтарын цифрлық аэрофототүсіріліммен толық қамтыды. Бұл туралы Астанада БҰҰ-ның семинарында Халықаралық геодезия және астрономия орталығының Геодезия және картография департаментінің директоры Қажмұхан Бекмұқашев мәлімдеді.

Бекмұқашев атап өткендей, «Геодезия, картография және кеңістіктік деректер туралы» Қазақстан Республикасының Заңын іске асыру мақсатында ұлттық кеңістіктік деректер инфрақұрылымының (ҰМДИ) құқықтық негізін құрайтын 66 заңға тәуелді акті бекітілді. Географиялық ақпаратқа қатысты 44 халықаралық ISO стандарттары да үйлестірілді.

Қазіргі таңда Қазақстан аумағының 97%-ы 1:25 000 масштабтағы жаңартылған цифрлық топографиялық карталармен қамтылып, 1326 елді мекеннің цифрлық жоспары әзірленді.

2025 жылдың 1 қаңтарынан бастап елімізде QazTRF-23 бірыңғай мемлекеттік координаттар жүйесі енгізілді. Мемлекеттік органдарға картографиялық материалдарды, кадастрларды және геопорталдарды осы жаңа жүйеге сәйкестендіруге көмек көрсетілуде. Сондай-ақ Мемлекеттік географиялық атаулар каталогының электрондық деректер базасына мониторинг жүргізілуде.

Фото:ҚР МКҚК