АСТАНА, 15 қыркүйек – «Караван Инфо» АА.Қазақстан Республикасының Ғылым және жоғары білім министрі Саясат Нұрбек Оңтүстік Кореяға сапары барысында еліміздің жетекші жоғары оқу орындары мен тиісті ведомство өкілдерімен кездесулер өткізді. Келіссөздерге Сунгкюнкван университеті, KWIC, Сеул кибер университеті және KAIST басшылығы, сондай-ақ Білім министрінің міндетін атқарушы Чой Ын Ок және Ғылым және АКТ министрі Бэ Киун Хун қатысты.

Тараптар бірлескен білім беру бағдарламаларын әзірлеу, ғылыми орталықтар құру, инновациялық жобаларды қолдау мәселелерін талқылады. Тәжірибе алмасуға және студенттер мен оқытушылар құрамының академиялық ұтқырлығын кеңейтуге ерекше көңіл бөлінді.

Сондай-ақ министр «Жаңа Одиссей: Ұлы өткелді шарлау» тақырыбымен биыл 26-шы рет өтіп жатқан әлемдегі ең ірі білім алмасу алаңдарының бірі — Сеулдегі Дүниежүзілік білім форумында сөз сөйледі.

Президент Қасым-Жомарт Тоқаевтың нұсқауына сәйкес, Қорқыт Ата атындағы Қызылорда университетінде Seoul Tech компаниясымен бірлесіп Жасанды интеллект институтын ашуды қоса алғанда, бірнеше бастамалар жүзеге асырылды. Сонымен қатар, Woosong, Dong-Eui және KAIST университеттерімен жобалар жүзеге асырылуда, соның ішінде филиалдар мен орталықтарды ашу және қос дипломдық бағдарламаларды іске қосу.

Фото: Қазақстан Республикасы Ұлттық қорғаныс министрлігі