Jogorku Keneshning 17-sentabrdagi yig‘ilishida parlament spikeri Nurlanbek Turg‘unbek uulu 7-chaqiriq deputatlaridan parlamentni ixtiyoriy ravishda tarqatib yuborish bo‘yicha tashabbus olganini ma’lum qildi. Uning ta'kidlashicha, bunday qaror butun parlamentning fikrini inobatga olgan holda qabul qilinadi.

"Parlament faqat oʻzini tarqatishi mumkin. Shu bois deputatlar maxsus tashabbus guruhi tuzib, oʻz-oʻzini tarqatish haqidagi taklifni asoslab, menga joʻnatishdi. Murojaatnomaga 32 deputat imzo chekdi. Hozirdan bu koʻrsatma asosida zarur ishlar olib borilmoqda", — dedi Turgʻunbek oʻgʻli.

Uning ta’kidlashicha, tashabbus guruhining vajlari asosli: Prezident saylovi 2027-yilning yanvarida, parlament saylovlari esa 2026-yilning noyabrida bo‘lib o‘tishi belgilab qo‘yilgan edi.Ammo, bir necha yirik saylovlarning ketma-ket o‘tkazilishi ham siyosiy, ham iqtisodiy qiyinchiliklarni keltirib chiqaradi va Markaziy saylov komissiyasi zimmasiga katta yuk bo‘ladi.

Parlament spikeri ushbu tashabbusning tanqidiga ham to‘xtalib, deputatlar va saylovda ishtirok etayotgan fuqarolar ishtirok etish huquqiga ega ekanini ta’kidladi.

"Har kim saylovda qatnashishi va xalq ishonchini oqlashi mumkin. Buni tanqid qilganlar asossiz shunday qilyapti", – deya qo'shimcha qildi u.

Uning so‘zlariga ko‘ra, avvalgi saylovlar adolatli va oshkora o‘tgan, keyingi saylovlarda ham shunday tartib kuzatiladi.