Душанбе, 17-сентябрь – Караван инфо маалымат агенттиги.16-сентябрда Тажикстан Республикасынын Президенти, Улут лидери Эмомали Рахмон Кыргыз Республикасынын Жогорку Кеңешинин Төрагасы Нурланбек Шакиевди Эл сарайында кабыл алды.

Жолугушууда Тажикстан менен Кыргызстандын ортосундагы өз ара кызыкчылык туудурган тармактарда, анын ичинде парламенттер аралык чөйрөдө кызматташуу маселелери талкууланды.

Президент Эмомали Рахмон: «Тажикстан жакын коңшусу Кыргызстан менен көп кырдуу кызматташтыкты өнүктүрүүгө өзгөчө маани берет», – деди.

Буга байланыштуу бул процессти алдыга жылдырууда парламенттик дипломатиянын маанилүү ролу баса белгиленди.

Парламенттер аралык достук тобунун ишмердүүлүгүнө, эл аралык аренада тажрыйба алмашууга жана парламенттер аркылуу бири-бирине колдоо көрсөтүүгө чоң көңүл бурулду.

Тажикстан менен Кыргызстандын ортосундагы соода-экономика, транспорт жана транзит, агроөнөр жай комплекси, суу-энергетика тармагынын артыкчылыктуу багыттары боюнча кызматташууну өнүктүрүүгө көп көңүл бурулду.

Маданий-гуманитардык чөйрөдөгү кызматташтыкты кеңейтүү да талкуунун маанилүү темасы болду.

Ошондой эле көп тараптуу түзүмдөрдүн, атап айтканда, Бириккен Улуттар Уюмунун, Көз карандысыз Мамлекеттер Шериктештигинин, Шанхай Кызматташтык Уюмунун, Жамааттык Коопсуздук Келишим Уюмунун алкагында эки өлкөнүн кызматташтыгын бекемдөө боюнча жемиштүү талкуу жүрдү.

СУР0ТТ0: Тажикстан Республикасынын Президентинин басма сез кызматы