МОСКВА,19Сентябрь 2025 – Караван Инфо маалымат агенттиги. Орус президенти Владимир Путин парламентарийлер менен болгон жолугушууда өлкөнүн алдында эки приоритет турганын баса белгиледи: атайын аскердик операцияда жеңишке жетүү жана демографиялык маселелерди чечүү.

"СВОну жеңүү менен катар негизги максат – демографиялык", – деди мамлекет башчысы. Ал белгилегендей, кандайдыр бир чечимдерди иштеп чыгууда жана кабыл алууда алардын балалуу үй-бүлөлөрдүн жашоосуна тийгизген таасири эске алынышы керек, анткени өлкөнүн келечеги ушундан көз каранды.

Президенттин айтымында, мамлекеттик саясат үй-бүлөлөрдү колдоого, балдардын төрөлүшү жана тарбияланышы үчүн шарттарды түзүүгө, калктын жашоо сапатын жакшыртууга багытталышы керек.

Владимир Путиндин сөзүндө демография темасы үзгүлтүксүз көтөрүлөт. Өлкөдө балалуу үй-бүлөлөрдү колдоого багытталган бир катар мамлекеттик программалар, анын ичинде энелик капитал жана саламаттыкты сактоону жакшыртуу чаралары бар.

Анткен менен эксперттер калктын азаюу көйгөйү Россия үчүн экономикалык кыйынчылыктардын жана миграциялык процесстердин фонунда курчуп бараткан эң актуалдуу маселелердин бири бойдон калып жатканын белгилешет.

Сүрөттө: Парламенттик гезит