Qirgʻiziston prezidenti Sadir Japarov 22—25-sentabr kunlari Nyu-Yorkda boʻlib oʻtadigan BMT Bosh Assambleyasining 80-yubiley sessiyasida ishtirok etadi.Bu haqda Qirgʻiziston Respublikasi Prezidenti Administratsiyasi tashqi siyosat boʻlimi mudiri Sagʻinbek Abdumutalip maʼlum qildi.

“Sadir Japarov ishchi tashrifi doirasida BMT Bosh Assambleyasining umumiy debatlarida nutq so‘zlaydi.

Davlat rahbari, shuningdek, BMT Xavfsizlik kengashining “Sun’iy intellekt: xalqaro xavfsizlik va tinchlik” mavzusidagi ochiq munozaralarida hamda iqlim o‘zgarishi bo‘yicha yuqori darajadagi maxsus tadbirda ishtirok etadi.

“Bundan tashqari, BMT Bosh Assambleyasi doirasida Prezident va BMT Bosh kotibi Antoniu Guterrish, shuningdek, Amerika, Yevropa, Osiyo va Afrika davlatlari rahbarlari va delegatsiyalari bilan ikki tomonlama uchrashuvlar oʻtkazish rejalashtirilgan, – dedi Sagʻinbek Abdumutalip.