Нью-Йоркте БҰҰ Бас Ассамблеясының 80-сессиясы аясында Қырғызстан Сыртқы істер министрі Жээнбек Кулубаев Гана Сыртқы істер және аймақтық интеграция министрі Самуэл Окудзето Аблаквамен кездесті. Бұл туралы Қырғызстан Сыртқы істер министрлігінің баспасөз қызметі хабарлады.

Келіссөздер барысында министр Ж.Қулубаев бұл кездесу Қырғыз Республикасы мен Гана Республикасы арасындағы екіжақты қарым-қатынастарды нығайту және одан әрі дамытуда маңызды қадам болатынына сенім білдірді.

Сонымен қатар, ынтымақтастықтың ағымдағы мәселелері, оның ішінде саяси диалогты тереңдету, сауда-экономикалық және мәдени-гуманитарлық ынтымақтастықты кеңейту, БҰҰ және басқа да халықаралық ұйымдар аясындағы әріптестікті нығайту мәселелері талқыланды.

Кездесу қорытындысы бойынша тараптар ынтымақтастықты кеңейту мақсатында сыртқы саяси ведомстволары арасында тұрақты байланыстарды жалғастыруға келісті.

Министр Ж.Қулубаев әріптесін кез келген қолайлы уақытта Қырғызстанға келуге шақырды.