MOSKVA, 2025-yil 3-oktabr — Karavan info axborot agentligi.Indoneziya Rossiya bilan milliy valyutalarda hisob-kitoblarga o‘tishga tayyorligini bildirdi. Mamlakat savdo vaziri Budi Santosoning so‘zlariga ko‘ra, bu boradagi muzokaralar allaqachon boshlangan va hozirda rivojlanish bosqichida.

Uning so‘zlariga ko‘ra, Jakarta bunday mexanizmni iqtisodiy aloqalarni mustahkamlashning yangi imkoniyatlari sifatida ko‘rmoqda.

"Indoneziya bunday hamkorlikka ochiq. Hozirda muzokaralar rivojlanish bosqichida. Biz moliyaviy barqarorlik va oʻzaro manfaatlarga eʼtibor qaratgan holda tegishli organlar bilan hamkorlikda ushbu mexanizmni oʻrganamiz", – dedi vazir.

Milliy valyutalarda hisob-kitoblarga o‘tish dollarga bog‘liqlikni kamaytiradi va savdo operatsiyalarida valyuta risklarini yumshatadi.

Mutaxassislarning ta'kidlashicha, ushbu tashabbus xalqaro moliyaviy hisob-kitoblarni diversifikatsiya qilish, shuningdek, rubl va Indoneziya rupiyasining jahon bozoridagi o'rnini mustahkamlash yo'lidagi muhim qadam bo'lishi mumkin.

Shunday qilib, Indoneziya de-dollarizatsiya va Rossiya bilan to'g'ridan-to'g'ri valyuta operatsiyalarini kengaytirish tendentsiyasini qo'llab-quvvatlovchi davlatlar qatoriga qo'shilishi mumkin.

Foto: RIA Novosti