AFGONISTON, 2025-yil 1-oktabr – Karavan Info axborot agentligi.Ofok News Agency: Mamlakatda internet yopilgani va Tolibon o‘rtasidagi ichki to‘qnashuvlar haqidagi xabarlardan so‘ng, ba’zi manbalar Sirojuddin Haqqoniy muvaqqat hukumatdagi ichki ishlar vaziri lavozimidan chetlashtirilganini xabar qilmoqda.

Tolibon yetakchisi Mulla Haybatullohga tegishli maktubga ko‘ra,
Sirojuddin Haqqoniy ichki ishlar vaziri lavozimidan ozod qilinib, Xost viloyatiga gubernator etib tayinlandi.

Bundan tashqari, Sirojuddin Haqqoniyning o‘rniga ichki ishlar vaziri etib Balxdagi muvaqqat hukumat hokimi Molvi Muhammad Yusuf Vafo tayinlangan.

Balx viloyatiga ham Tolibon yetakchisining yaqin safdoshi shayx Azizulloh Tayyib gubernator etib tayinlangan.

So‘nggi 24 soat ichida Tolibon o‘rtasidagi ichki kelishmovchilik va to‘qnashuvlar haqida tasdiqlanmagan xabarlar tarqaldi.

Hozircha bu xabarni muvaqqat hukumat vakillari na tasdiqladi, na inkor qildi.

Foto: Ochiq manbalar