МОСКВА, 9-октябрь, 2025-жыл — «Караван инфо» агентствосу. “Росатом” мамлекеттик корпорациясынын өкүлдөрү Тегеранга иш сапары менен барып, Ирандын Атомдук энергия боюнча уюму менен сүйлөшүүлөрдү өткөрүштү.

Тараптар өзөктүк реакторлорду курууда кызматташуунун келечегин жана энергетика тармагындагы өз ара аракеттенүүнү кеңейтүүнү талкуулашты.

Жыйындын катышуучуларынын айтымында, кийинки кадам «Росатомдун» башкы директору Алексей Лихачевдун Иранга сапары болот, ал жакынкы келечекте күтүлүүдө.

Мунун алдында Лихачев "Билим. Биринчи" марафонунда сүйлөп жатып, өзөктүк энергетиканы өнүктүрүү боюнча Тегерандын позициясын колдой турганын ырастады. Ал белгилегендей, Иран өзүнүн тынчтык максаттагы өзөктүк программасына толук укуктуу.

"Биз бул укук боюнча Иран жетекчилигинин позициясын бөлүшөбүз. Эгер Иран кызыкдар болсо, "Росатом" тынчтык максаттагы өзөктүк программасын өнүктүрүү үчүн бардык күч-аракетин жумшоого даяр, бул биздин өнөктөшүбүздүн мыйзамдуу укугу", – деп баса белгиледи корпорациянын жетекчиси.

Тегеран сапары Орусия менен Ирандын өзөктүк энергетика тармагындагы кызматташтыгын бекемдөөгө дагы бир кадам болду.

Сүрөт: ачык булактардан