Остона, 24 октябри соли 2025 АИ «Караван Инфо». Вазорати тандурустии Ҷумҳурии Қазоқистон дар бораи васеъ намудани рӯйхати доруҳо ва афзоиши маблағгузорӣ дар доираи расонидани кӯмаки паллиативӣ эълон намуд.

Дар соли ҷорӣ рӯйхати доруҳое, ки бо ёрии паллиативӣ истифода мешаванд, васеъ намуда шуд ва ҳоло 18 номгӯйро дар бар мегирад.

Вазорат инчунин тарофаро барои расонидани кӯмаки паллиативӣ дар статсионарҳо ва ҳаҷми маблағгузории бригадаҳои мобилии сайёр зиёд намуд. Ин тадбир ба баланд бардоштани дастрасии кӯмак ба беморон ва тақвияти инфрасохтори хадамоти паллиативӣ дар кишвар равона шудааст.

То имрӯз дар Қазоқистон 2 087 катҳои паллиативӣ мавҷуданд, ки 81 кат барои кӯдакон пешбинӣ шудааст. Дар ҳамаи 20 минтақа 220 бригадаи мобилӣ фаъолият мекунанд. Илова бар ин, 9 муассисаи мустақил, ки ба шаҳрҳо ва вилоятҳои калон кӯмаки паллиативӣ мерасонанд, фаъолият мекунанд.

Сохтори бемориҳо дар бемороне, ки ба дастгирии паллиативӣ ниёз доранд, гуногун аст: бемориҳои онкологӣ (41%) ва дилу рагҳо (27%) бештар паҳн шудаанд.

Аксҳо: Вазорати Тандурустии ҶҚ