Казакстанда билим берүү тармагындагы инновациялар активдүү киргизилүүдө. Мамлекет башчынын демилгеси менен өлкөдө жасалма интеллект тармагында жогорку квалификациялуу адистерди даярдоо боюнча масштабдуу иштер башталды.
Бул максатка жетүү үчүн Google, NVIDIA, Coursera, Huawei жана башкалар сыяктуу алдыңкы дүйнөлүк компаниялар менен кызматташуу түзүлдү. Бул кызматташтыктын алкагында Казакстандын ЖОЖдоруна заманбап билим берүү программалары киргизилип, санариптик платформалар түзүлүп, онлайн курстар өткөрүлүүдө. Студенттер эбегейсиз чоң билим базасына ээ болушат жана дүйнөнүн эң мыкты эксперттеринен билим алууга мүмкүнчүлүк алышат.
Негизги багыттардын бири санариптик университеттерди өнүктүрүү болуп саналат. Пилоттук режимде мындай университеттер К.Сатпаев атындагы КазНТУнун жана Д. Серикбаев атындагы ВКТУнун базасында иштеп жатат. Кошумчалай кетсек, өлкөнүн 15 университетинде жасалма интеллект боюнча Google курстары ачылып, NVIDIA DLI долбооруна 12 университет катышууда.
Сүрөт: Казакстан Республикасынын илим жана жогорку билим берүү министрлиги