ОСТОНА, 21 ноябр АИ Караван Инфо. Қатораи сайёҳии Юбилейӣ “Жибек Жоли 7.0” дубора ба хатсайр мебарояд. Ҳайат аз Алмаато 28 ноябр оғоз ёфта, аз Тараз, Туркистон, Отрар, Самарқанд, Бухоро ва Тошканд гузашта, 3-юми декабр ба Алмаато бармегардад.
Тавре, ки ташкилкунандагон хабар доданд, лоиҳа бо дархостҳои зиёди сайёҳон аз сар гирифта шуд. Қатораи сайёҳӣ иштирокчиёнро бо фарҳанг ва мероси роҳи Бузурги Абрешим шинос мекунад. Барнома дар вагонҳои купеӣ, хӯрокворӣ, экскурсияҳо дар ҳама шаҳрҳо, интиқол ва ҳамроҳии роҳнамоҳои касбиро дар бар мегирад.
Ташаббус бо дастгирии Вазорати сайёҳӣ ва варзиши ҶҚ, “Қазақстан темир жоли”, туроператорҳои ватанӣ ва мақомоти маҳаллӣ амалӣ намуда мешавад. Маҳсулоти сайёҳӣ қаблан дар намоишгоҳи KITF-2025 унвони беҳтаринро ба даст оварда буд.
Ин хатсайр ҳар сол такмил дода мешавад, бо самтҳои нав ва сафарҳои мавзӯъӣ пурра намуда мешавад. Лоиҳаи Jibek Joly ҳамкориҳои байниминтақавиро тақвият мебахшад ва мероси фарҳангии Осиёи Марказиро тарғиб мекунад. Турпакетро операторҳои сайёҳии қазоқистон ташкил мекунанд.
Аксҳо: КТЖ