ООГАНИСТАН, 2026-жылдын 28-январы – Karavan Info маалымат агенттиги. АКШ Сенатынын тышкы байланыштар боюнча комитетинин төрагасы Джим Риш Талибан администрациясы "Ооганстандагы жаңы адилеттүүлүк эрежелерин" киргизгенден кийин Талибанга каржылык жардам токтотулушу керек деп билдирди.

Риш социалдык медиадагы постунда талиптер Ооганстанга кулчулуктун кайтып келгенин дагы бир жолу тастыктаганын жана АКШнын аларга көрсөткөн жардамы токтотулушу керектигин белгиледи.

«Бул АКШнын кызыкчылыктарына карама-каршы келип, ал жерде кызмат өтөгөн бардык аскер кызматкерлерине шек келтирүү менен бирге, талиптердин тынымсыз регрессия абалында экенин көрсөтүп турат», – деп баса белгиледи ал.

Талибандын лидери Хайбатулла Ахундзада жакында катардагы жарандарга катаал жазаларды караган, бирок Талибандын мүчөлөрүнө жана дин кызматкерлерине өзгөчө кол тийбестик берген "Кылмыш-жаза процессуалдык эрежелери" деп аталган "мыйзамга" кол койду.

Жарыяланган маалыматтарга ылайык, АКШ өкмөтү Ооганстанга жума сайын 40 миллион долларлык гуманитардык жардам жөнөтүүнү улантууда, сынчылардын айтымында, бул жардам түз же кыйыр түрдө Талибан көзөмөлдөгөн мекемелерге кетип жатат.

Сүрөт: Сьюзан Уолш/AP