TOSHKENT, 2026-yil 30-yanvar – Karavan Info axborot agentligi. Oʻzbekiston Prezidenti Shavkat Mirziyoyev va Turkiya Prezidenti Rejep Tayyip Erdoʻgʻon Anqaradagi Prezidentlik saroyida shaxsiy uchrashuv oʻtkazdilar. Suhbat avvalida rahbarlar yaqinlashib kelayotgan Ramazon oyi bilan tabriklashdi.

Uchrashuvda keng qamrovli strategik sheriklik doirasida ikki tomonlama munosabatlarni rivojlantirish istiqbollari muhokama qilindi. Asosiy e'tibor siyosiy, savdo-iqtisodiy, madaniy va gumanitar sohalardagi hamkorlikni kengaytirishga qaratildi. Tomonlar savdo aylanmasining o'sishi, qo'shma korxonalar sonining ko'payishi va aviaqatnovlarning faollashganini ta'kidladilar.

Sanoat, qishloq xoʻjaligi va ijtimoiy sohalardagi qoʻshma loyihalar, shuningdek, mudofaa va xavfsizlik sohasidagi hamkorlik, jumladan, kiberjinoyatchilikka qarshi kurashish masalalari ham muhokama qilindi.

Surat: O'zbekiston Respublikasi Prezidenti Matbuot xizmati