ООГАНСТАН, 2026-жылдын 31-январы – Karavan Info маалымат агенттиги. Австралиянын Тышкы иштер министрлиги жана Канберрадагы Ооганстан элчилиги биргелешкен билдирүүсүндө элчиликтин иши 2026-жылдын 30-июнунан тартып токтотулаарын жарыялашты. Австралия өкмөтү эч кандай дипломаттарды, консулдарды же талиптердин башка өкүлдөрүн кабыл алуу ниетинде эместигин баса белгиледи.
Австралиянын Тышкы иштер министрлигинин билдирүүсүндө, бул чечим "элчиликтин көзөмөлүнөн тышкары чектөөлөргө" жана азыркы форматта иштөөнү улантуу мүмкүн эместигине байланыштуу эки тараптуу консультациялардан кийин кабыл алынганы айтылат.
Документте Канберра жана Ооганстан Ислам Республикасынын элчилиги Ооганстан элин колдоону улантып жатканы белгиленет.
Биргелешкен билдирүүдө ошондой эле Австралия жана Ооганстан элчилиги талиптер тарабынан адам укуктарын, айрыкча ооган аялдары менен кыздарына карата "системалуу жана кайталап бузууларды" кескин айыптай турганы баса белгиленет.
"Бул натыйжа каалабаганы менен, Ооганстандагы кырдаал боюнча элчиликтин жана Австралия өкмөтүнүн принциптүү позициясына доо кетирбестен, тартиптүү жана кадыр-барктуу өткөөл процесс боюнча макулдашууга жетишилди", – деп айтылат билдирүүдө.
Австралиядагы Ооганстан Ислам Республикасынын элчилиги 2021-жылдын август айында Талибан бийликке келгенден бери өлкөдө жашаган оогандарга консулдук кызматтарды көрсөтүүнү улантып келет.
Сүрөт: Анадолу Ажанси