ООГАНИСТАН, 2026-жылдын 1-февралы – Karavan Info маалымат агенттиги. Хелманд провинциясындагы Талибандын басма сөз кызматы Пакистан менен Бахрамча чек ара бекети аркылуу аткезчилик жол менен алынып келинген миңдеген килограмм дары-дармектер, шоколад жана туздалган азыктар кармалгандан кийин өрттөлгөнүн билдирди.

Билдирүүдө жок кылынган товарлардын арасында 2545 кг медициналык буюмдар, 3072 кг шоколад жана 3052 кг маринаддалган азыктар бар экени көрсөтүлгөн.

Товардын келип чыккан өлкөсү же экспорттоочусу көрсөтүлгөн эмес, бирок товарлар мурда Пакистандан ушул жол аркылуу көп келип турган.

Акыркы төрт айдан бери Ооганстан менен Пакистандын ортосундагы соода толугу менен токтоп, айрым адамдар зарыл товарларды аткезчилик жол менен алып өтүүгө аракет кылып жатышат.

Сүрөт: Спогмай радиосу