Zagrebda kurash bo'yicha “Zagreb Open-2026” xalqaro reyting turniri yakunlandi.
Oʻzbekiston yunon-rum kurashi terma jamoasi oltita medalni qoʻlga kiritdi. 67 kg vazn toifasida oltin medalni misrlik Muhammad Hasan Ahmad Abdulrahim, moldovalik Valentin Petitsa, yaponiyalik Kyotaro Sogabe va gruziyalik Diego Chkikvadzeni magʻlub etgan Aytjan Xalmaxonov qoʻlga kiritdi.
Alisher G‘aniyev va Ixtiyor Botirov o‘z toifalarida kumush, Shahzod Qo‘chqorov, Abdulla Aliyev va Muhammadqodir Rasulov bronza medalni qo‘lga kiritdi.
Umumiy jamoaviy hisobda Oʻzbekiston jamoasi ikkinchi oʻrinni egalladi. Birinchi oʻrin Eron jamoasiga, uchinchi oʻrin esa Qozogʻiston sportchilariga nasib etdi.