Астана, 2026 жылғы 9 ақпан – Karavan Info ақпараттық агенттігі . Қазақстанның Қорғаныс министрі Дәурен Қосанов Қытайдың Қазақстан Республикасындағы Төтенше және Өкілетті Елшісі Хань Чуньлинмен кездесті. Кездесу Қорғаныс министрлігінде өтті.

Қытай тарапынан кездесуге Қытай Халық Республикасы Қорғаныс министрлігінің Қазақстандағы әскери атташесі кеңсесінің өкілдері де қатысты.

Кездесу барысында тараптар екіжақты ынтымақтастықтың қазіргі және болашақ бағыттары бойынша пікір алмасты. Сондай-ақ, әскери білім беру, әскери және әскери-техникалық ынтымақтастық мәселелерін талқылады.

Фото : Қазақстан Республикасы Қорғаныс министрлігі