Oʻzbekiston va Tojikiston energetika vazirlari Joʻrabek Mirzamahmudov va Daler Juma Toshkentda muzokaralar oʻtkazdilar. Uchrashuvda ikki mamlakatning tegishli kompaniyalari rahbarlari ham ishtirok etdi.

Tomonlar quyidagilarni muhokama qilishdi:

· energiya tizimlarini sinxronlashtirish;

· elektr tarmoqlarini rivojlantirish va modernizatsiya qilish;

· o'zaro elektr energiyasi yetkazib berish hajmining oshishi;

· Markaziy Osiyoning Yagona energiya tizimiga qayta ulanish loyihasi doirasidagi texnik masalalar.

Elektr energiyasi almashinuvini oshirish va ta'minot barqarorligini ta'minlash bo'yicha amaliy choralarga alohida e'tibor qaratilmoqda.

Uchrashuv yakunida energetika sohasida qoʻshma ishlarni davom ettirish va strategik sheriklikni kengaytirishga sodiqlik tasdiqlandi.