Батыс Қазақстан облысында тіршілікті қамтамасыз ету жүйелерінің нысандарын қорғау шаралары күшейтілді. Орал қаласында «Батыс су арнасы» ЖШС, «Жайықтеплоэнерго» АҚ нысандарында, сондай-ақ қалалық сорғы стансасында су тасқынына қарсы іс-шаралар кешені ұйымдастырылды.

«Батыс су арнасы» ЖШС 340 мың қала тұрғынын сумен қамтамасыз етсе, «Жайықтеплоэнерго» серіктестігі 248 шақырымнан астам қаланы жылумен қамтамасыз етеді. Қазіргі уақытта нысандардың аумағы құм-қиыршық тас қоспасымен нығайтылуда, апаттық бригадалар мен техника дайындалды.

«Жайық өзені бойындағы стратегиялық нысандарды су басудың алдын алу үшін бөгетті нығайту бойынша тасқынға қарсы жұмыстар жүргізілуде. Қала тұрғындарын сумен қамту шаралары алдын ала қолға алынған. Сумен қамтамасыз ете алатын су тасығыш түріндегі жылжымалы құрам бар», — дейді «Батыс су арнасы» мекемесінің бас инженері Аян Тасқали.

Айта кету керек, Батыс Қазақстан облысында 20 мың км. электр желілері болса, Орал қаласында 16 қосалқы станса бар. Олар төбеде орналасқан және су басу қаупі жоқ, бірақ оларды су басу қаупінен қорғау үшін барлық қажетті шаралар да жүзеге асырылуда. Қаптармен және топырақ қоршаулармен жағалауларды бекіту жұмыстары жүргізілуде.

Батыс Қазақстан облысында су тасқынымен күресуге барлығы 6,3 мың адам мен 1,5 мың техника оқытылды.