Саламаттыкты сактоо министрлигинде Казакстан Республикасынын саламаттыкты сактоо министри Акмарал Алназарованын төрагалыгы алдында фармацевтика жана медицина тармагын өнүктүрүү боюнча жыйын өттү. 

Жолугушууга казакстандык дары-дармектерди жана медициналык буюмдарды өндүрүүчүлөр, адистештирилген ассоциациялардын, Казакстан Республикасынын «Атамекен» Улуттук ишкерлер палатасынын жана мамлекеттик органдардын өкүлдөрү катышты. 

«Мамлекет башчысы фармацевтика рыногунда ата мекендик өндүрүштүн үлүшүн 50%га чейин көтөрүүнү тапшырды. Саламаттык сактоо министрлиги казакстандык дары-дармек каражаттарынын сапатын, коопсуздугун жана натыйжалуулугун камсыз кылуу шартында өндүрүштүк кубаттуулуктарды өнүктүрүүдө жана казакстандык медициналык буюмдардын экспорттук потенциалын жогорулатууда ата мекендик өндүрүүчүлөргө көмөк көрсөтөт. Жарандардын жашоо сапаты жана улуттун саламаттыгы ушундан көз каранды экенин эстен чыгарбоо керек», — деп белгиледи министр Акмарал Алназарова. 

Жыйындын жүрүшүндө ведомстволор аралык жумушчу топ түзүлүп, ал 5 негизги багыт боюнча иш жүргүзө тургандыгы белгилүү болду: пландоо, баа түзүү жана сатып алуу, инвестицияларды тартуу, дары-дармектердин сапаты жана коопсуздугу, IT технологияларды өнүктүрүү жана фармацевтика тармагындагы кадрдык ресурстарды өнүктүрүү.  Бул милдеттерди аткаруу Казакстандын фармацевтика тармагын өнүктүрүү стратегиясын сапаттык жаңы деңгээлде түзүүгө мүмкүндүк берет. 

Топко Казакстандын фармацевтика тармагынын бардык кызыкдар тараптары жана катышуучулары кириши күтүлүүдө. 

Жаңы стратегияны ишке ашыруу боюнча конкреттүү чаралар белгиленди, анын ичинде: ата мекендик компаниялардан товарларды сатып алуу тартибине өзгөртүүлөрдү киргизүү, Казакстанда өндүрүш үчүн зарыл болгон стратегиялык маанилүү дары-дармектердин тизмесин аныктоо, өндүрүүчүлөр менен келишимдерди кайра карап чыгуу жана Фармацевтика өнөр жайын өнүктүрүү боюнча Улуттук долбоорду иштеп чыгуу.