Қазақстан Республикасы Сыртқы істер министрінің орынбасары Роман Василенко мен Ресей Федерациясы Сыртқы істер министрінің орынбасары Александр Грушко арасында жалпыеуропалық институттармен өзара іс-қимыл, өңірлік және еуропалық қауіпсіздік мәселелері бойынша консультациялар өтті.

Кездесу барысында екіжақты Қазақстан-Ресей ынтымақтастығын дамыту мәселелері, сондай-ақ Еуропалық Одақпен, ЕҚЫҰ-мен және басқа да халықаралық институттармен қатынастар контекстіндегі екі елдің көзқарастары талқыланды.

Р. Василенко Президент Қасым-Жомарт Тоқаевтың бастамасымен Қазақстанда жүргізіліп жатқан саяси және әлеуметтік-экономикалық реформалар туралы айтып, екіжақты деңгейде де, өңірлік ұйымдар шеңберінде де өзара сенімге негізделген ынтымақтастықты одан әрі дамытудың маңыздылығын атап өтті.

А. Грушко өз кезегінде Қазақстан-Ресей қарым-қатынастарының үдемелі дамудың тұрақты серпіні бар екенін атап өтті.

Бұл консультациялар Қазақстан Республикасының СІМ мен Ресей Федерациясының СІМ арасындағы 2023-2024 жылдарға арналған ынтымақтастық жоспарына сәйкес жүргізіледі.