Апрель айында Брест шаарында Казакстан Республикасынын Башкы консулдугунун ачылыш аземи болуп өттү.

Иш-чарага Казакстан Республикасынын вице-премьер-министри – Тышкы иштер министри Мурат Нуртлеу жана Беларусь Республикасынын Тышкы иштер министринин орун басары Игорь Назарук катышты.

«Казакстан Беларусия менен өзгөчө жылуу мамиледе — ал биздин негизги саясий жана экономикалык өнөктөшүбүз, ишенимдүү союздашыбыз жана жакын досубуз. Жогорку деңгээлдеги ишенимдүү саясий диалог бардык маселелерди ыкчам жана өз ара пайдалуу чечүүгө мүмкүндүк берет», — деп белгиледи М.Нуртлеу.

М.Нуртлеу ошондой эле «Казакстан Республикасынын Брест шаарындагы консулдук өкүлчүлүгүнүн статусун Башкы консулдуктун деңгээлине көтөрүү… өлкөлөрүбүздүн ортосундагы өз ара аракеттенүүнүн мындан аркы динамикалык өнүгүшүнө дагы бир түрткү берет», — деп кошумчалады.

Өз кезегинде И.Назарук төмөнкүлөрдү билдирди: «Казакстандын Брест шаарында Башкы консулдугунун ачылышы эки өлкөнүн ортосундагы мамилелердин деңгээлин жана статусун жогорулатууга багытталган маанилүү кадам болуп саналат. Биз казак досторубузду Брест шаарында тосуп алууга кубанычтабыз жана өз ара пайдалуу жана гүлдөп-өнүгүү үчүн кызматташтыкты биргелешип өнүктүрүүгө даярбыз».

Казакстандын Тышкы иштер министрлигинин башчысы Брест Баатыр чеби мемориалдык комплексиндеги Түбөлүк отко гүлчамбар койду, алардын арасында 640 казакстандыктын ысымдары белгилүү болгон чептин курман болгон коргоочуларын эскерди.