Қазақстан Республикасының Үкіметі Қазақстан Президентінің тапсырмасы бойынша су тасқыны салдарынан зардап шеккен азаматтарға келтірілген залалды өтеу бойынша кешенді жұмыс жүргізуде.

«Үкімет азаматтардың ешқайсысын тиісті көмегінсіз қалдырмайды. Біз осы су тасқыны кезінде болған барлық шығындарды өтейміз. Әрбір азамат, әрбір отбасы мемлекет тарапынан қолдаумен қамтамасыз етілетін болады. Бұл Мен үшін қазір басым міндет», — деді Қасым-Жомарт Тоқаев Солтүстік Қазақстан облысында сөйлеген сөзінде.

Ресми деректер бойынша өңірлік комиссияларға Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан облыстарының, сондай-ақ Абай және Ұлытау облыстарының тұрғындарынан су тасқынынан келтірілген залалды өтеу шеңберінде қолдау көрсету бойынша барлығы 13 мыңнан астам өтініш келіп түсті.

Қазіргі уақытта 5 803 отбасы 369 200 теңге біржолғы төлем алды. Қазақстан бюджетінен төлемдерге 2 млрд теңгеден астам қаржы бөлінді. 877 отбасына 380 млн теңге сомасында келтірілген залал үшін өтемақы берілді. Қаза тапқан мал үшін төлем көлемі 38,9 млн теңгеге жетті.
Зардап шеккен аймақтарда тұрғын үйлердің қирауы мен зақымдануына бағалау жүргізіледі. Осылайша, 1499 үйді тексеруге қол жеткізілді. 794 үй қалпына келтірілетіні анықталды, 701 үй толығымен қирады. 197 отбасына 218,6 млн теңге сомасында тұрғын үйді жөндеуге өтемақы төленді, 33 отбасы қираған тұрғын үйлерінің орнына үйлер мен пәтерлер алды.