Шу ҳафта бошида Тожикистон Республикаси Президенти Имомали Раҳмон Британия Ташқи ишлар вазири Дэвид Кэмеронни қабул қилди.

Тожикистон Буюк Британия Ташқи ишлар вазири Марказий Осиё бўйлаб турне сафари чоғида келган биринчи мамлакатдир.

«Биз буюк Британияни Ғарбий Европада муҳим шерик деб ҳисоблаймиз. Мамлакатимиз Қироллик билан кўп қиррали муносабатларни ривожлантириш ва мустаҳкамлашга катта эътибор қаратмоқда», — деди Э.Раҳмон.

Д.Кэмерон, ўз навбатида, Тожикистон ва Буюк Британия ўртасидаги кўп қиррали муносабатларнинг кенгайишини, шунингдек, кейинги ривожланиш учун яхши истиқболларни қайд этди.

Учрашувда сиёсий, иқтисодий, савдо, маданий-гуманитар соҳалардаги ҳамкорлик масалалари муҳокама қилинди. Меҳнат миграцияси муаммолари ва республиканинг сув ва иқлим соҳасидаги муаммоларни ҳал қилишнинг мумкин бўлган ечимлари таклиф қилинди. Учрашув иштирокчилари мамлакатлар ўртасида ҳаво йўлларини очиш масаласини ҳам муҳокама қилдилар.

Икки давлат вакиллари Тожикистоннинг тоғ — кон, металлургия, енгил, озиқ-овқат, фармацевтика ва қишлоқ хўжалиги соҳаларига инвестицияларни жалб қилиш истиқболларини кўриб чиқдилар.

«Яшил энергия» ва «яшил иқтисодиёт» га ўтиш мавзусига алоҳида тўхталиб ўтилди.