Ўтган ҳафта Душанбе шаҳрида Тожикистон Республикаси Энергетика ва сув хўжалиги вазирининг биринчи ўринбосари Шоимзода Жамшед Шоди раислигида сув ресурсларини комплекс бошқариш бўйича ишчи гуруҳ ва Тожикистон Республикасининг сув хўжалигини ислоҳ қилиш дастурини амалга ошириш бўйича Мувофиқлаштирувчи ишчи гуруҳининг қўшма йиғилиши бўлиб ўтди.

Томонлар кенг кўламли масалаларни, жумладан, 2016-2025 йилларда Тожикистон Республикаси сув хўжалигини ислоҳ қилишни амалга ошириш, республика сув секторига инвестицияларни жалб қилиш, 2024-2028 йилларда мелиорация ва ирригация соҳасини ривожлантириш дастури лойиҳасини, «Барқарор ривожланиш учун сув» Халқаро ўн йиллик акциясига бағишланган юқори даражадаги 3- халқаро конференцияга тайёргарлик жараёнини муҳокама қилдилар..

Шунингдек, 2023-2030 йилларда Тожикистон сув хўжалиги соҳасида мутахассислар тайёрлаш учун олий таълимни ривожлантиришни қўллаб-қувватлаш концепцияси ва Миллий сув ахборот тизими ва уни ривожлантириш режаси кўриб чиқилди.